ගාල්ල සවුත්ලන්ඩ්ස් හිටපු විදුහල්පතිනිය විසින් ලබන ඉරිදා (27) කැඳවනු ලැබ ඇතැයි කියන පාසල් සංවර්ධන සමිති රැස්වීම වහාම අවලංගු කරන ලෙස ලංකා ගුරු සංගමය අධ්‍යාපන අමාත්‍යංශයෙන් ඉල්ලයි.
ස්ථාන මාරු කළ විදුහල්පතිනියට පාසල් සංවර්ධන සමිති මහා සභාව කැඳවිය නොහැකි බවත්, තමන්ට හිතවත් පිරිස් ලවා ස්ථානමාරුවට එරෙහි කටයුතු කටයුතු කරන බව පෙනෙන බවත් ගුරු සංගමයේ ලේකම් ජෝසප් ස්ටාලින් මහතා කියයි.
හිටපු ආරක්ෂක ලේකම් ගෝඨාභය රාජපක්ෂ මහතාගේ මෙහෙයවීමෙන් පසුගිය රජය සමයේ විදුහල්පතිවරුන්ට ලබා දුන් ප්‍රභූ කර්නල් පදවි අහෝසි කළ බව අධ්‍යාපන ඇමැති කියා තිබිය දී සවුත්ලන්ඩ්ස් හිටපු විදුහල්පතිනිය කර්නල් පදවි භාවිත කිරීම වැරදි බවත් ස්ටාලින් මහතා සඳහන් කරයි.
අධ්‍යාපන ඇමති අකිල විරාජ් කාරියවසම් මහතා පැවසුවේ මේ සිද්ධිය ගැන සොයා බලන බවයි.
හිටපු විදුහල්පතිනිය අධ්‍යාපන අමාත්‍යංශය පළාත් අධ්‍යාපන දෙපාර්තමේන්තුව අනුයුක්ත කර ඇත.
