මාලබේ දකුණු ආසියා තාක්ෂණ හා වෛද්‍ය විද්‍යාලයෙන් (සයිටම්) සමත්වූ ප්‍රථම වෛද්‍ය කණ්ඩායමේ සිසුන් 30 දෙනා ලියාපදිංචි කිරීම ශ්‍රී ලංකා වෛද්‍ය සභාවෙන් ප්‍රතික්ෂේප කර ඇතැයි දැනගන්නට ඇත.
එම සිසුහු ශ්‍රේෂ්ඨාධිකරණයේ පිහිට පැතීමට යති. උසස් අධ්‍යාපන හා මහාමාර්ග ඇමැති ලක්ෂ්මන් කිරිඇල්ල පවසනුයේ ශ්‍රේෂ්ඨාධිකරණයෙන් එම සිසුන්ට සාධාරණය ලැබෙනු ඇති බවයි.
විශ්ව විද්‍යාල ප්‍රතිපාදන කොමිසම මාලබේ පෞද්ගලික වෛද්‍ය විද්‍යාලය පිළිගෙන ඇතැයි කී ඇමැතිවරයා එහි 700ක් පමණ සිසුන් ඉගෙන ගන්නා බවද කීවේය.
