මීගමුව මහ රෝහලේ යකඩින් ඉදිකල විකල්ප ගොඩනැගිලි 03 හී වාට්ටු තුළ රෝගින්ට හෝ වෙනත් කිසිවකුටවත් එහි සිටිය නොහැකි තරමේ අධික උෂ්ණයක් පවතින බවත් මේ හේතුවෙන් අවම උෂ්ණත්වයක් යටතේ තිබිය යුතු ඹෟෂධ රාශියක් විනාශ වී යන බවත් එහි වෛද්‍යවරු කියති.
මහජන මුදල් මිලියන ගගනක් අපතේ යවමින් මනා කළමණාකාරිත්වයකින් තොරව කඩිමුඩයේ රෝගින් වෙනුවෙන් යයි කියා කෙටි කලකදි ඉදිකළ යකඩ සැකිලි සහිත දෙමහල් නව ගොඩනැගිලි තුනේ දහවලට රත්වෙන යකඩ සැකිලි මගින් රාත්‍රීයට පිටකෙරෙන රෂ්මිය නිසා රෝගින් සිටින සියලු වාට්ටු පෝරණු තරමට පත්ව ඇතැයිද ඊයේ දහවල් වන විට පැවති උෂ්ණත්වය රෝගියකුට සුදුසු නොවන මට්ටක් බවද කියති.
ප්‍රතිකාර සේවා මුර සදහා සිටින වෛද්‍යවරුන් සහ හෙද මණ්ඩලය ඇතුළු පිරිස් පීඩාවට සහ අධික වෙහෙසට පත්වීම නිසා රෝගින් වැඩිදෙනෙකුට ප්‍රතිකාර කිරීමට තිබෙන අවස්ථාව මගහැරි ඇති බව ද ඔවුහු කියති.
