‘ලංකා ඉතිහාසයේ හැමදාමත් රාජ්‍ය මුල්‍ය ආදායම් හා වියදම් පිළිබඳ විස්තර පළවෙන්නේ ශ්‍රී ලංකා මහ බැංකු වාර්තාවෙයි. සෑම වසරකම නිවැරදි මුල්‍ය වාර්තා එහි සඳහන් වෙනවා. මුදල් ඇමැතිවරයාගේ අසත්‍ය ප්‍රකාශවලට පිළිතුරු එහි තිබෙනවා.’යැයි එකාබද්ධ විපක්ෂයේ පාර්ලිමේන්තු මන්ත්‍රී බන්දුල ගුණවර්ධන මහතා මාධ්‍ය හමුවකදී පැවසුවේය.
‘අද වන විට රාජ්‍ය ආදායම රජයේ සේවක වැටුප පමණක් නොවෙයි. විශ්‍රාම වැටුප පවා ගෙවන්නවත් ප්‍රමාණවත් නැහැ. මුදල් ඇමැතිවරයා කියන්නේ මේ බදු පැනවුයේ රාජපක්ෂ ආණ්ඩුව ගත් ණය ගෙවන්නලු. ඔහු නිර්ලජ්ජිතව කරන අසත්‍ය ප්‍රකාශ මහ පොළොව උහුලන්නේ නැහැ. පත්තරවල දැන්වීම් පළකරමින් රටම රවටන බව ඔහු එහිදී සඳහන් කළේය.
