හිටපු ජනපති මහින්ද රාජපක්ෂ මහතා ප්‍රමුඛ ඒකාබද්ධ විපක්ෂය සංවිධානය කරන ජන සටන පාද යාත්‍රාවේ අවසන් දිනය වන අද (1) පාගමන කිරිබත්ගොඩින් ආරම්භ කිරීමට සියලු කටයුතු සූදානම් කර ඇතැයි ඒකාබද්ධ විපක්ෂයේ සංවිධායකවරු කියති.

පෙරවරු 10ට පමණ කිරිබත්ගොඩට පැමිණි හිටපු ජනපති මහින්ද රාජපක්ෂ ප්‍රමුඛ පිරිස එහි සංවිධානය කර තිබූ රැලියකට එක්වූහ. බෙංගමුවේ නාලක හිමියෝ එහි සිටින පිරිස පන්සිල්හි පිහිටුවා පාගමනට ආශිර්වාද කළහ. රැලිය ඇමතූ මහින්ද රාජපක්ෂ මහතා කියා සිටියේ ඉතිහාසයේ දැවැන්තම පාගමන මෙය බවයි. පාගමන පිටත්වීමට දැන් හොඳ නැකැත් වේලාව බවද කී හිටපු ජනපති මෙය ආණ්ඩුව පළවා හැරීමේ වෙඩි මුරයක් බවද පැවසීය.

ජායාරූප - ළහිරු හර්ෂණ

ජායාරූප - තරිඳු ජයවර්ධන