යුරේනි නොෂිකා වර්තමාන කලා ක්ෂේත‍්‍රය හැඩ කරන කටකාර දඟකාර රංගන ශිල්පිනියක්.
සිරස නාලිකාවේ විකාශය වූ ‘‘කිදුරංගනා’’ හි සංජු චරිතය ඔස්සේ ටෙලිනාට්‍ය ක්ෂේත‍්‍රයට පැමිණි ඇය කෙටි කාලයක් තුළදීම පේ‍්‍රක්ෂක සිත් සතන් ඇද බැඳ තබාගන්නට සමත් වුණා.
නිවේදිකාවක්, රංගන ශිල්පිනියක් ලෙස ක්ෂේත‍්‍රයේ දිගු ගමනක් යෑමට බලාපොරොත්තුවෙන් සිටින ඇය මෑතකදී සිය ගායන කුසලතා එළි දක්වමින් අලූත් ගීතමය අත්හදා බැලීමකද නිරත වුණා.
ආදරණීය සිනහවකින් මුව පුරවාගෙන දයාබර හඬින් කතා කරන ඒ දඟකාර රංගන ශිල්පිනිය වෙනුවෙනුයි මෙවර ‘‘ජීවිතේ මල්’’ වෙන්වන්නේ.
මම ජීවිතේ වැඩිපුරම සතුටු වුණ දවසක් තමයි ධඛ රිසල්ට් ලැබුණු දවස. එදා මම යාලූවොත් එක්ක එකතුවෙලා ගොඩක් සතුටු වුණා. හරිම සුන්දර මතකයක් තමයි ජීවිතේටම එකතු වුණේ. අධ්‍යාපනය කියන්නේ ජීවිතේ ගොඩක් බලාපොරොත්තු තියාගන්න දෙයක් අනාගතේ ගැන. ඉතින් ඒ හැම බලාපොරොත්තුවක්ම සැබෑ වුණා කියලා හිතුනා ධඛ රිසල්ට් ලැබුණු දවසෙ. මට ඒ සඳහා ෘ 8 ක් තිබුණා. එතනින් පසුව ්රැුඛ වලට මම කළේ වාණිජ විෂයන් එයත් මම හොඳින් සමත් වෙලා ් 3 ක් ලබාගත්තා.
ඉතින් ඒ හැමදේ එක්කම මගේ හිතට දැනුණ සතුට වචනයෙන් විස්තර කරන්න බැරි තරම්. හරිම සතුටක් තමයි දැනුණෙ.
මම පාසල් යන කාලෙදී තමයි මගේ මුල්ම විදෙස් සංචාරය ගියෙ. පාසලේ තිබුණු වැඩසටහනකින් ලංකාව නියෝජනය කරලා අපිට එහෙ යන්න ලැබුණෙ. ඉන්දියාව තමයි මම මුලින්ම ගිය රට. ඉතින් ඒ දවසෙ මට ගොඩක් සතුටු හිතුණා. ජීවිතේ අමතක නොවන අමරණීය දවසක් තමයි ඒ.
මම රංගනයට කවදාවත්ම එකතුවෙන්න හිතුව කෙනෙක් නෙමෙයි. අහම්බෙන් වගේ තමයි කලා ක්ෂේත‍්‍රයට අවතීර්ණ වෙන්න ලැබුණෙ. මම යාළුවෙක් මුණ ගැහෙන්න ගිහින් ‘‘මහරාජා’’ ආයතනයෙ කට්ටිය මාව දැකලා ටෙලිනාට්‍යයක ඔඩිෂන් එකකට එන්න කිව්වා. ඉතින් මම ඒ සඳහා බෑ කියද්දී තමයි මගේ යාළුවො මාව ඒ සඳහා යොමු කෙරෙව්වෙ. පසුව මමත් ඒ වෙනුවෙන් සහභාගි වුණා. ඒ සහභාගි වුණ පළමු ටෙලිනාට්‍ය තමයි ‘‘කිදුරංගනා’’ මම හිතුවෙවත් නැති විදියට මට ඒ ටෙලිනාට්‍යයට හොඳ ප‍්‍රතිචාර ලැබුණා. එතකොට නම් හිතට ගොඩක් ලොකු සතුටක් දැනුණා. අහම්බෙන් වගේ සහභාගි වෙලා ඒ වෙනුවෙන් ඉහළම ප‍්‍රතිචාර ලබාගන්න හැකිවීම පිළිබඳ මම අදටත් ගොඩක් සතුටු වෙනවා. මේ හැමදේම දෛවය විසින් සිදුවුණ දෙයක් විදියට තමයි මට හැ‍ඟෙන්නෙ.
ඉන්දියාවෙ සුපිරි තරුවක් වන ජෝන් ඒබ‍්‍රහම් එක්ක මට රූපවාහිනි දැන්වීමකට පෙනී සිටින්න හැකි වුණා. ඒ සඳහා මට අවස්ථාව ලැබෙන්නෙ ඉන්දියාවෙ ඒජන්සියක් හරහා. ඒ වෙනුවෙන් ඔඩිෂන් එකක් පවත්වලා තමයි මාව තේරුණේ. මාත් එක්ක ගොඩක් ගෑනු ළමයි ඒ සඳහා සහභාගිවෙලා හිටියා. ඉතින් ඒ ගෑනු ළමයි ඔක්කොම අතරින් මට එවැනි සුවිශේෂ අවස්ථාවක් ලැබීම පිළිබඳව අතිශය සතුටු වෙනවා. ඒ සතුට කොයිතරම්ද කිව්වොත් දැන්වීම රූගත කරන දවසට කලින් දවසෙ රෑ නින්ද ගියෙත් නෑ. ජෝන් ඒබ‍්‍රහම් වගේ ජනප‍්‍රිය නළුවෙක් එක්ක එවැනි දැන්වීමකට සම්බන්ධ වීමට ලැබීමම මම ලබපු ලොකු ජයග‍්‍රහණයක්.
මගේ ජීවිතේ පොඩි කාලෙ ඉඳන්ම ලොකු හීනයක් තිබුණා. ස්පෝර්ට් කාර් එකක් ගන්න. ඉතින් පොඩිකාලේ ඉඳන්ම ඒ මවපු සිහිනය මෑතකදී මට සැබෑ කර ගන්න හැකිවුණා.
හම්බන්තොට වරායෙන් මගෙ ස්පෝර්ට් කාර් එක ගත්ත දවසෙ ඒ සතුට වැඩිකමට මගෙ ඇස්වල කඳුළු වැටුණා. ඒ මම පොඩි කාලෙ ඉඳන්ම මවපු හීනය සැබෑ වුණා නේද කියලා.
ඉන්දියාවෙ හිටපු කාලෙ යෂ්රාජ්ගෙ චිත‍්‍රපටයක ඔඩිෂන්වලට තේරුණා. සාමාන්‍යයෙන් ඉන්දියාවෙ යෂ්රාජ්ගෙ චිත‍්‍රපටයක ඔඩිෂන්වලට තේරෙනවා කියන්නෙ ලේසි පහසු දෙයක් නෙමෙයි. 10,000 ක් පමණ පිරිසකගෙන් 50ක් වගේ තමයි තේරෙන්නෙ. ඉතින් ඒ සඳහා මාව තේරුණා කියලා දුරකථන ඇමතුම ආවම මට හිතාගන්නවත් බැරිවුණා. ඒ තරමට හිතට ලොකු සතුටක් දැනුණා. නමුත් අවාසනාවකට ඒ චිත‍්‍රපටයට තේරුණේ නෑ. මම හිතන්නෙ අනුෂ්කා ශර්මගෙයි. රන්වීර් සිංගෙයි පළවෙනිම චිතටපටය තමයි ඒ එහිදී මම ඔඩිෂන් කරපු චරිතය අවසානෙට කළේ පරිනිත් චොප්රා. ඔහුගේත් පළවෙනි චිත‍්‍රපටය.
ඉතින් මට හැමදාම පරිනිත් ඉන්නවා දැක්කම හිතෙන්නෙ එදා මම ඒ චිත‍්‍රපටයට තේරුණා නම් මමනෙ එතන ඉන්නෙ කියලා. නමුත් මට චිත‍්‍රපටයට දායක වෙන්න නොලැබුණත් ඔඩිෂන් එකක් හරි ලැබීම ගැන අතිශය සතුටු වෙනවා. එය මගේ ජීවිතෙ අමතක නොවනම සිදුවීමක්.
මගේ මුල්ම ගීතය මෑතකදී ප‍්‍රචාරය වුණා. ඒ දවසෙ මට හරිම සතුටක් දැනුණා. මොකද ඒ මගේ මුල්ම ගීතය වුණත් ඉතා හොඳ ප‍්‍රතිචාර පළමු දිනයේ සිටම ලැබුණු නිසා ‘‘සාරි පොටේ’’ තමයි මගේ මුල්ම ගීතය.
ඒ ගීතය මිනිස්සු අතරට යයි කියලා මම බලාපොරොත්තු වුණේ නෑ. ගීතයක් කරන්න තියෙන ආසාවට අත්හදා බැලීමක් විදියට තමයි ඒක කළේ. මේ වෙද්දි ඒ සඳහා ගොඩක් අයගෙන් ප‍්‍රතිචාර ලැබුණා. ඒ ප‍්‍රතිචාර ඉතා ඉහළයි.
ධනු විජේරත්න
