හිටපු ජනාධිපති හා කුරුණෑගල දිස්ත්‍රික් පාර්ලිමේන්තු මන්ත්‍රී මහින්ද රාජපක්ෂ මහතාගේ පුත් හිටපු ලුතිනන් යෝෂිත රාජපක්ෂ සම්බන්ධයෙන් නාවික හමුදාවෙන් පවත්වන විමර්ශනය තවම අවසන් නැතැයි හමුදා මාධ්‍ය ප්‍රකාශක බ්‍රිගේඩියර් ජයනාත් ජයවීර මහතා පැවසීය.
එම විමර්ශනයේ දී ලුතිනන් රාජපක්ෂ නාවික හමුදාවට බැඳුණු ආකාරය ගැනත්, ඔහුගේ විදේශ ගමන් ගැනත් සොයන බව ජයවීර මහතා සඳහන් කළේය.
ලුතිනන් රාජපක්ෂ 2016 පෙබරවාරි 29 වැනි දා වැඩ තහනමට ලක් කළ බවත්, වෙනත් සිද්ධියක් ගැන ඔහුට එරෙහිව ක්‍රියාත්මක වන අධිකරණ කටයුතු අවසන් වූ පසු නාවික හමුදාවෙන් පැවැත්වෙන පරීක්ෂණය සඳහා ඔහු ගෙන්වනු ඇති බවත් මාධ්‍ය ප්‍රකාශක කීවේය.
