මේ දිනවල ප්‍රංශයේ පැරිස් නුවර රූපගත කෙරෙන ආදිත්‍ය චොප්රාගේ "බේපීකාර්" චිත්‍රපටයේ රූපගත කිරීම් සඳහා බොලිවුඩ් සිනමා නළු රන්වීර් සිං එක්ව සිටින බව "රාඩිෆ්" වෙබ් අඩවිය සඳහන් කර සිටියි. නවක බොලිවුඩ් සිනමා නිළි වානී කපූර් සමගින් ප්‍රධාන චරිත නිරූපණය කරන රන්වීර් "බේපීකාර්" චිත්‍රපටයේ රූපගත කිරීම් අවසානයේ සිය නවාතැන් ගත හෝටලයේ පිහිනුම් ක්‍රීඩාවේ නිරතව සිටින ඡායාරූපයක් සිය "ට්විටර්" ගිණුමට මෙසේ එක්කර තිබුණි. මෙම සෙල්ෆි ඡායාරූපය ගෙන ඇත්තේ ඔහුගේ පිහිනුම් පුහුණුකරුවා ප්‍රංශ ජාතික ලොයිඩ් ස්ටීවන්ස් බව රන්වීර් සිය "ට්විටර්" ගිණුමේ සඳහන් කර තිබුණි. මෙම චිත්‍රපටය දෙසැම්බර් 09 වැනිදා බොලිවුඩයට සමගාමීව ලොවපුරා ප්‍රදර්ශනය වීමට සූදානම් කර තිබේ. පසුගිය වසරේ හොඳම නළුවා බවට පත්වූ "බජිරාඕ මස්තානි" චිත්‍රපටයෙන් පසුව රන්වීර් සිය රසිකයන් මුණගැසෙන පළමු චිත්‍රපටයද මෙය වීම විශේෂත්වයකි.
