මේ මස 21 වැනිදා බිෂොප් විද්‍යාලයේ දී සවස 6.45 ට අලුත්ම සංගීත අත්දැකීමක් ලබන්නට ඔබට පුළුවන් වෙයි. ඒ NEXT GEN සංගීත ප්‍රසංගය නිසා. මේ ප්‍රසංගයට සහභාගි වෙනවා ප්‍රවීණ ගායන ශිල්පී රෑකාන්ත ගුණතිලක මහතා සහ ඔහුගේ වැඩිමල් දියණිය රයිනි චාරැකා
රයිනි කොහොමද මේ NEXT GEN සංගීත ප්‍රසංගය දකින්නේ?
ඇත්තටම මෙහෙමයි ඉතාමත් කෙටි කාලයකදී තමයි මේ අපි කණ්ඩායම එකතු වුණේ. ඉතින් ඉතාමත් හොඳ වෙනස් අත්දැකීමක් වේවී. මම නම් අවුරැදු දෙක තුනකට කලින් මේ ක්ෂේත්‍රයට ආවේ. ඒත් මාත් මේ ප්‍රසංගයට සම්බන්ධ කරගත්ත එක ගැන සතුටුයි. මොකද දැන් ඉන්න පරම්පරාවේ ගොඩක් අය දක්ෂයි. හොඳම උදාහරණයක් සනුක වික්‍රමසිංහ, එයාට තියෙන්නේ වෙනස්ම ශෛලියක්. ඉතින් තමන්ගේම කියලා අනන්‍යතාවක් ගොඩ නගාගන්න උත්සාහ කරන පිරිසක් තමා මේ NEXT GEN සංගීත ප්‍රසංගය කරන්නේ. ඒ වගේම අපේ මව්පියන්ට ආදරය කරන පිරිස අපි දිහාත් බලාගෙන ඉන්නේ දරැවෝ මොකද කරන්නේ, එයාලා කොහොමද මේ සංගීත ක්ෂේත්‍රයට එන්නේ කියලා. ඉතින් ඒ හැමෝටම මේක අලුත් අත්දැකීමක් වේවි. මොකද එදාට වැඩිපුර එන්නේ අපේ මව්පියන්ට ආදරය කරන අය. ඉතින් ඒ අයට හොඳ දෙයක් ලබාදීම තමා අපේ බලාපොරොත්තුව.
නීෂා රන්සිත් / සේයාරෑ - සුමුදු
