අපකීර්තිමත් පිළිකුල් සහගතම ඩීල් එක තිබෙන්නේ රාජපක්ෂ කල්ලියත් රනිල් වික්‍රමසිංහත් අතර යැයි ජනතා විමුක්ති පෙරමුණු නායක අනුර දිසානායක මහතා අද පැලවත්ත පක්ෂ මුලස්ථානයේ පැවති මාධ්‍ය හමුවකදී කීවේය.
‘නිදහසින් පසු පසුගිය වසර 68ක් පුරා ප්‍රධාන පක්ෂ දෙක වෙන් වෙන්වත් එකතු වෙලත් අපේ රට පාලනය කළා. ඔවුන් අනුගමනය කළ ආර්ථික ප්‍රතිපත්තිවල ප්‍රතිවිපාක තමයි අද රට මුහුණ දෙමින් තිබෙන්නේ. ණය බර වැඩිවීම, රාජ්‍ය ආදායම අඩුවීම, සමාජ අපරාධ වැඩිවීම, ජනතාවගේ ආදායම් විෂමතාවය වැඩිවීම වැනි බරපතළ ප්‍රතිවිපාකයන්ට අපේ රට ඇදගෙන ඇවිත් තිබෙනවා. මේ වනවිට ප්‍රධාන අර්බුදය වී තිබෙන්නේ රටේ රාජ්‍ය ආදායම පහළ යාමයි. 2000 වර්ෂයේදී දළ ජාතික නිෂ්පාදිතයෙන් 15.6ක් වූ රාජ්‍ය ආදායම පහුගිය වසර වන විට 11.6ක් දක්වා පහත බැස තිබෙනවා‘ යැයි ද ඔහු කීය.
