අධිවේගී මාර්ග භාවිතා කරන රියදුරන්ගෙන් 20%ක් පමණ නිදිමත ගතිය නිසා අනතුරුවලට ලක්වී ඇතැයි අධිවේගී මාර්ග නඩත්තු හා මෙහෙයුම් කළමනාකරු එස්.ඕපනායක මහතා කියයි.
අධිවේගී මාර්ගය දෙපස ප්‍රියමනාප වනගහණයක් ඇති කිරීමෙන් එවැනි අනතුරු අවම කරගත හැකි බවද ඔහු කියයි.
පරිසරයට හිතකර ගස් වැවීමෙන් වාතය පිරිසිදුවී කාබන්ඩයොක්සයිඩ් වැනි අහිතකර වායු අවම කර බලශක්ති පිරිමැසීමට බලපාන බවත් වැහිවතුර රඳා පැවැතීමෙන් සෝදා පාළුව නතර කළ හැකිය. ජලය පිරිසිදු කිරීම් සඳහා යන වියදම අඩුවීම, මග දෙපස ජනයාට ආදායම් මාර්ගයක් සලසා දීම ආදියෙන් ස්වභාවික පරිසරයක් ඇතිකිරීමේ යෝජනා ක්‍රම අධිවේගී මාර්ග පවත්වාගෙන යන බටහිර රටවල ක්‍රියාත්මක වේ. දක්ෂිණ අධිවේගී මාර්ගයේ ගැලනිගම කොටසේ මුලින්ම පැල රෝපණය කරන බව ඕපනායක මහතා පවසයි.
