‘දිනුවත් පැරදුණත් ශ්‍රී ලංකා ක්‍රිකට් ක්‍රීඩකයන්ගේ ක්‍රීඩා විලාශය බලාසිටීම හරි ආඩම්බරයක්. ඊළඟ සටනේදී අපේ කට්ටිය වඩාත් ශක්තිමත්ව ඉදිරියට යන බව මට විශ්වාසයි‘ යනුවෙන් මෛත්‍රිපාල සිරිසේන ජනපති ඇන්ජලෝ මැතිව්ස්ගේ නායකත්වයෙන් යුත් ශ්‍රී ලංකා කණ්ඩායමට සුබ පතමින් ට්විටර් පණිවිඩයක් නිකුත් කර ඇත.
20 -20 ලෝක ක්‍රිකට් තරගාවලියට සහභාගී වීමට ඉන්දියාවට ගොස් සිටින ශ්‍රී ලංකා කණ්ඩායම එංගලන්තය සමග කරට කර තරගයක යෙදී සිටියේය. අවසන් පන්දුව දක්වාම තරගයේ තීරණය කොයි අත යා දැයි කිව නොහැකි තත්ත්වයකට පත් කිරීමට නායක ඇන්ජලෝ මැතිව්ස් ඇතුළු පිරිස සමත් විය.
ලංකාව ලකුණු 10කින් පරාජයට පත්විය. ඒ අනුව ලෝක කුසලානයෙන් ඉවත් වීමට ශ්‍රී ලංකා කණ්ඩායමට සිදුවිය.
