ආයෝජනය සඳහා හිතකර පරිසරයක් ශ්‍රී ලංකාවේ නිර්මාණය වී ඇතැයි ආර්ථික සහ ව්‍යාපාරික කටයුතු පිළිබඳ අමෙරිකා සහකාර රාජ්‍ය ලේකම් චාල්ස් එච්. රිව්කිං පැවසීය.
ලංකාවේ වත්මන් ආර්ථික වැඩපිළිවෙළ සම්බන්ධයෙන් ප්‍රසාදය පළ කළ සහකාර රාජ්‍ය ලේකම්වරයා, අමෙරිකාවේ ඉහළ පෙළ ව්‍යාපාරිකයන් ශ්‍රී ලංකාවේ ආයෝජනය කෙරෙහි යොමු කිරීමට අවශ්‍ය කටයුතු සම්පාදනය කරන බව කීවේය.
වත්මන් රජය බලයට පත් වීමෙන් පසු රට තුළ සිදු ව ඇති ආර්ථික වෙනස්කම්, ශ්‍රී ලංකාව හමුවේ ඇති ආර්ථික අභියෝග ජය ගැනීම සඳහා මනා ප්‍රවේශයක් බව ද කී රිව්කිං මුදල් අමාත්‍යාංශයේදී අමාත්‍ය රවී කරුණානායක හමු වී මේ බව ප්‍රකාශ කළේ ය.
යාපනයේ සංචාරයකට එක්වෙමින් ඇමෙරිකා තානාපති අතුල් කේෂාප් මහතා කියා සිටියේ වත්මන් රජය කටයුතු කරන ආකාරය පිළිබඳව අමෙරිකානු රජය බෙහෙවින් සතුටට පත් වන බවයි.
යුධ අපරාධ සම්බන්ධයෙන් සොයා බලා කටයුතු කිරීමට රජය ගෙන ඇති යාන්ත්‍රණය පිළිබඳව සහ නව ව්‍යවස්ථා සංශෝධනයක් සිදුකිරීම පිළිබඳව බෙහෙවින් සතුටට පත් වන බවත් සියලු ජාතීන්ට එකහා සමානව සැළකීමට වත්මන් රජය ගෙන යනු ලබන ක්‍රියාමාර්ග අගය කරන බවත් ඊට සෙසු පක්ෂ ලබාදෙන සහය පිළිබදව සතුටට පත් වන බවත් කේෂප් මහතා කීවේය.
විදෙස් ආයෝජනයට ශ්‍රී ලංකාව හිතකර බව ඇමරිකාව කියන කථාව හරිද ?
