මෙරට යුද සමයේ සිදුවූ දෑ පිළිබදව සොයා බලන වගවීම් යාන්ත්‍රණය සම්බන්ධයෙන් සියලූ ජන කොටස්වල විශ්වාසය තහවුරු කිරීම සදහා ඊට විදේශීය දායකත්වයක් අත්‍යාවශ්‍ය බව බ්‍රිතාන්‍ය විදේශ සහ පොදුරාජ්‍ය අමාත්‍ය ලේකම් හියුගෝ ස්වෙයර් එරට පාර්ලිමේන්තුවේදී ශ්‍රී ලංකාව පිළිබඳ විවාදයකදී කරුණු දක්වමින් පැවසීය.
නමුත් මෙරට යුද අපරාධ සිදුව ඇත්දැයි සොයා බැලීමේ පරීක්ෂණ යාන්ත්‍රණය සදහා විදේශීය විනිසුරුවන් යොදා නොගන්නා බවට ශ්‍රී ලංකා ජනපති හා අගමැති ප්‍රකාශ කැර තිබිණි.
එම ප්‍රකාශ සම්බන්ධයෙන් බ්‍රිතාන්‍ය මන්ත්‍රීවරුන් විමසා සිටි අවස්ථාවේදී ඔහු එසේ අදහස් දැක්වීය.
මෙම ස්ථාවරය පිළිබඳ බ්‍රිතාන්‍යය ශ්‍රී ලංකා රජයට දැනුම්දී ඇතැයි ඔහු කීවේය. එසේම එක්සත් ජාතීන්ගේ මානව හිමිකම් කොමසාරිස්වරයා හරහා ද ඒ පිළිබඳ පණිවුඩයක් ශ්‍රී ලංකාවට ලබාදී තිබෙන බවද ස්වෙයර් කීය.
