ඉන්දියාවයි හා ශ්‍රී ලංකාවයි හරියට සහෝදරයන් දෙන්නෙක් වගේ රටවල් දෙකක් බව රාජ්‍ය ඇමති සුජීව සේනසිංහ මහතා කීවේය.
ඉන්දියාවට හා ශ්‍රී ලංකාව‍ට ආවේණික අත්කම් නිර්මාණ බටහිර දියුණු රටවලට අපනයනය සඳහා රටවල් දෙකටම වෙළඳපොළ විවෘත වන බවත් දෙරට අතර සහයෝගීතාවය වැඩි දියුණු කර ආසියාවේ බලවත් රටවල් දෙකක් කිරීමට අපට හැකියාව ඇති බවත් ඔහු පැවසීය. ශ්‍රී ලංකාවේ ඉන්දියා මහ කොමසාරිස් කාර්යයාලය හා ඉන්දීය විදේශ අමාත්‍යංශයේ ආයෝජන සහ තාක්ෂණ ප්‍රවර්ධන අංශය සංවිධානය කළ “ ඉන්දු ශ්‍රී ලංකා ශිල්ප කලා” අත්කම් හා රෙදි පිළි ප්‍රදර්ශනය කොළඹ දී විවෘත කරමින් ඔහු එසේ කීවේය.
