ජල ගැලීම් සහ නායයාම් හේතුවෙන් මෙරට දිස්ත්‍රික්ක 11 කට සිදුව ඇති හානිය පිළිබඳව එක්සත් ජාතීන්ගේ සංවිධානය විසින් තක්සේරුවක් ආරම්භ කර තිබේ.
නිව්යෝක් නුවර ජගත් සංවිධාන මූලස්ථානයේදී සෙනසුරාදා (21) පැවති දෛනික මාධ්‍ය හමුවේදී එක්සත් ජාතීන්ගේ මහලේකම් බෑන් කී මූන්ගේ ප්‍රකාශක ස්ටෙෆාන් ඩුයාරික් මහතා ප්‍රකාශ කර සිටියේ රාජ්‍ය නොවන සංවිධාන හරහා අදාළ ඇගයීම සිදුකරන බවයි.
එමෙන්ම ජගත් සංවිධාන නියෝජිතායතන හරහා විපතට පත්වූවන්ට සහන සැලසීම සඳහා කටයුතු ශක්තිමත් කරන ලෙස මහ ලේකම්වරයා, එක්සත් ජාතීන්ගේ මානුෂීය කටයුතු පිළිබඳ සම්බන්ධීකරණ කාර්යාලයට ද දැනුම්දී තිබෙන බවද එක්සත් ජාතීන්ගේ මහලෙක්ම්වරයාගේ ප්‍රකාශවරයා සදහන් කර ඇත.
