අකුරුවලට සිර නොවූ හැඟුමක් ලෙසින් හඳුන්වා ඇති මෙම කෙටි චිත්‍රපටය පියෙකුගේ ආදරය මත දිවෙන්නක්. චිත්‍රපටයේ ඉතා සිනමාත්මක කාරණා අන්තර්ගත වන අතර ඔබට මෙය කෙටි චිත්‍රපටයක්ද යන හැඟීම ඒ නිසා ඇති වන්නටත් ඉඩ තිබෙනවා.
මේ ඒ සම්බන්ධයෙන් එහි අධ්‍යක්ෂිකා ලක්සිරි නවෝදනී විජේසිංහගේගේ අදහසයි. මේක මම කළේ විශ්වවිද්‍යාලයේ ව්‍යාපෘතියක් විදියටයි. ලෝකයේ තිබෙන සබඳතා අතරේ තාත්තෙකුගෙයි දුවෙකුගෙයි සම්බන්ධය ඉතා පිවිතුරු එකක්. මේ කතාවෙදි තාත්තාගේ චරිතය කතුවරයෙක්. ඒනිසා ඔහු බොහෝවිට පොත් තුළින් තමයි ජීවිතය දකින්නේ. නමුත් පොඩි ළමයි ඔවුන්ගේ හිත්වලින් පොතපතට කලින් ඒ දේවල් ග්‍රහණය කරගන්නවා. පොඩි ළමයි ලඟ අපි ලඟ නැති ලෝකයක් තියෙනවා. ඔවුන් ජීවත් විය යුතු මොහොතේ ජීවත් වන නිසා ඔවුන් ඉක්මනින් සතුටු වෙනවා. මේ කෙටි චිත්‍රපටය ඇතුළෙ මම ඒ කතාව කියන්නට උත්සාහ කරනවා.
ඔවුන් කොතරම් සරළව තමන්ගේ ආශාවන් සංසිඳවා ගන්නවාද? මිනිසුන් ඉතා තාර්කිකව විශ්ලේෂණය කර සොයාගන්නා දෑ කුඩාවුන් අතරේ සිනහවකින් හුවමාරු වන අයුරු බලන්නට ලක්සිරි විජේසිංහගේ අකුරු තුනක් කෙටි චිත්‍රපටය කදිම උදාහරණයක් බව සාරවිට අපගේ විශ්වාසයයි.
රංගනය
- බුද්ධික සේමසිංහ
- පබසරා නෙත්මිනී
- මිහින් විජේසිංහ
- ඩබ්. එම්. දිසානායක
කැමරාකරණය සහ සංස්කරණය
- සම්පත් කුමාර
තිරරචනය සහ අධ්‍යක්ෂණය
- ලක්සිරි විජේසිංහ
රචින්ත ජයවර්ධන
