දෙවැනි වරටත් විස්සයි විස්ස ක්‍රිකට් ලෝක කුසලානය දිනාගත් බටහිර ඉන්දීය කොදෙව් කණ්ඩායම සහ කාන්තා ක්‍රිකට් කණ්ඩායම එරට ගුවන්තොටුපළේදී මහත් හරසරින් සිය කණ්ඩායම පිළිගනු ලැබීය.
පිරිමි කණ්ඩායමේ නායක ඩැරන් සමී ඇතුළු සාමාජිකයන් කිහිප දෙනකු සෙන් ලුසියා හි ග්‍රැන්ට්ලි ඇඩම්ස් ජාත්‍යන්තර ගුවන්තොටුපළට පැමිණි අතර ඔවුන් පිළිගැනීමට ක්‍රීඩා ඇමැති ස්ටෙපන් ලෑෂ්ලි සහ සංචාරක ඇමැති රිචඩ් සීලි එහි පැමිණ සිටියහ. බාබඩෝස් ක්‍රිකට් සංගමයේ සභාපති හිටපු ක්‍රීඩක ජොයෙල් ගානර් ද එහි ආවේය.
අති විශාල ජනකායක් සහ ක්‍රිකට් ක්‍රීඩක ක්‍රීඩිකාවන්ගේ පවුලේ අය හිත මිතුරන් ඇතුළු බොහෝ පිරිසක් එහි පැමිණ සිටියහ.
රථ පෙරහරකින් ඔවුහු මග දෙපස රැස්ව සිටි පිරිසටද ආචාර කරමින් ගමන් කළහ.
