ලොව වයස්ගතම සුනඛයා ලෙස සැලකෙන ඕස්ට්‍රේලියාවේ මැගී මිය ගිය බව විදෙස් පුවත් සේවා පවසයි.
මැගී නමැති බැල්ල මිය යන විට වයස අවුරුදු 30ක් විය. වික්ටෝරියා ප්‍රාන්තයේ කිරි ගොවියකු වන බ්‍රයන් මැක්ලරන් මැගීගේ හිමිකරුවා වූ අතර මැගී සිය කූඩුව තුළ මියගොස් සිටි බව ඔහු පවසයි.
පසුගිය සතියේ ද මැගී සිය කිරි පට්ටියේ සිට කාර්යාලයට ගිය බවත් ඇය හොඳින් සිටි බවත් බිරීම දඩයම් කිරීම ඇතුළු අනෙක් ක්‍රියාකාරකම් ද හොඳින් කළ බවත් බ්‍රයන් කියයි.
මැගීගේ නිවැරදි වයස ස්ථිරවම තහවුරු කරගැනීමට නොහැකි වී ඇති අතර ඊට හේතුව වනුයේ ඇගේ හිමිකරු පවසා ඇති පරිදි මැගී කුඩා අවදියේදී ඇගේ ලියකියවිලි නැතිවීමයි.
බ්‍රයන් කියනුයේ මැගී සිය නිවසට රැගෙන එද්දී ඔහුගේ බාලම පුතු වන ලයම්ට වයස අවුරුදු 4ක් වූ බවයි. ඔහු දැන් 34 වැනි වියේ පසුවෙයි.
ලොව වයස්ගතම සුනඛයා ලෙස නිල ලෝක වාර්තාවට හිමිකම් කියනුයේද ඕස්ට්‍රේලියාවේ සුනඛයකු වන බ්ලුයි ය. 1939 දී මිය ගිය එම සුනඛයාගේ මිය යන විට වයස අවුරුදු 29කි.
