ඉන්දික ලියනගේ කියන්නේ අපේ රටේ ශ්රීලාංකේය කටහඬක් ඇති ප්‍රතිභා පුර්ණ තරුණ ගායකයෙක්.මේ තුංමං හන්දිවල අතරමං වෙන නංගියෙක් ගැන වංහුංහොයන ඉන්දිකගේ මේ ගීය ලියා තිබෙන්නෙ නයනාසේන වන්නිනායකයන් විසිනුයි. සංගීතය නාලක අංජන කුමාරයන්ගේ. මේ ගීතයට අපූරුම 
රූප රචනයක් කළේ හෂාන්ජයවර්ධනයි.මේ ගීතය රචනා කරද්දී ජයන්ත සුබසිංහගෙන් ලද සහාය නොකියම බෑ කියලයි ගී පද රචක නයනසේන වන්නිනායකයන් අපට කිව්වේ
"තුංමං හංදියේ කළුවරේ
මංමුලාවුනි දෝ නංගියේ
නයි පොලොන් විසකුරු සපුන් අතරේ
පල නෙලන්නට ගිය සෙයිලමේ
වං හුං කිසිත් නෑ නංගියේ
මිරිවැඩි නොලා පොඩි සංදියේ
අපි ඇවිද්දත් බඩවැටි දිගේ
පහන්කණු වත් පාර නොකියන කළුවරේ
ඇනුනාද විසකටු දෙපතුලේ
මග වැරදුනාවද නංගියේ
ජීවිතෙත් යල් හුළඟක් වගේ
විරසකයි තාමත් ආකහේ
වලාකුලකින් පාර අහගෙන ගම්කරේ
එනවාද නිළි වැස්සක් වගේ
මග බලා ඉන්නම් නංගියේ"
පද රචනය : නයනසේන වන්නිනායක
සංගීතය : නාලක අංජන කුමාර
ගායනය : ඉන්දික ලියනගේ
ඉඳුනිල් සින්දු
