විදේශ සේවා නියුක්ති කාර්යාංශයේ විශේෂ විමර්ශන ඒකකය ගත වූ මාස පහේදී ව්‍යාජ ඒජන්සි සම්බන්ධ වැටලීම් 56ක් සිදුකර ඇතැයි ද, පීඩාවට පත්වූවන්ට රුපියල් ලක්ෂ 560ක වන්දි ලබා දී ඇතැයි ද එම කාර්යංශය කියයි.
විශේෂ විමර්ශන ඒකකය මඟින් සිදු කර ඇති ඝෘජු වැටලීම් සංඛ්‍යාව 44ක් වන අතර, කාර්යාංශයේ ගුවන්තොටුපොළ ඒකකයෙන් විමර්ශනය සඳහා යොමුකරන ලද වැටලීම් සංඛ්‍යාව 12කි. මෙහිදී කාර්යාංශයේ නීති අංශය ම`ගින් අධිකරණයට නඩු 50ක් යොමුකොට තිබේ.
නීතිවිරෝධි රැකියා නියෝජිතායතන පවත්වාගෙන යාම, අඩු වයස් කාන්තාවන් විදේශ ගතකිරීමට උත්සහ කිරීම, විදෙස් රැකියා ලබා දෙන බවට පොරොන්දු වී රැකියා ලබා නොදීම, ව්‍යාජ ලේඛන සකස් කිරීම යන විවිධ ආකාරයේ චෝදනා සඳහා මෙම නඩු පවරා ඇත.
නියෝජ්‍ය සාමාන්‍යාධිකාරී (නීති) කීර්ති මුතුකුමාරණ මහතාගේ පූර්ණ අධීක‍ෂණය යටතේ විශේෂ විමර්ශන අංශයේ කළමණාකරු සහකාර පොලිස් අධිකාරී චින්තක ගුණසේකර මහතාගේ මෙහෙයවීම මත මෙම වැටලීම් කටයුතු සිදු විය.
