පුවත් පත් ආයතනයක රියදුරකු වන ධම්මික සුදත්ප්‍රියට පහර දුන්නේයැයි සැකපිට වරාය හා නිවුක අමාත්‍යංශයේ මාධ්‍ය ලේකම්ගේ රියදුරු නිශාන් තිවංක ලබන 18 වැනි දා තෙක් රිමාන්ඩ් කරන ලෙස කොළඹ අතිරේක මහේස්ත්‍රාත් චනීමා විජේබණ්ඩාර මහත්මිය නියෝග කළාය.
අඟහරුවාදා (5) කොළඹ බෞද්ධාලෝක මාවතේදී මෙම පහරදීම සිදුව ඇතැයි කියමින් අදාළ මාධ්‍ය ආයතනයේ රියදුරු පොලිසියට පැමිණිලි කිරීමෙන් පසු සැකකරු අද අත්අඩංගුවට ගැනිණි.
තමා අසවල් ස්ථානයේ අයකු බව කියමින් තමා ඇතුළු පිරිසට බැන වැදුණු බවත් රියදුරු කළ පැමිණිල්ලේ සඳහන්ය.
