වරාය නගරය හා ජාතික භෞතික සැලැස්ම සම්බන්ධයෙන් ජාත්‍යන්තර පරිසරවේදීන් හා විදෙස්ගත ශ්‍රී ලාංකිකයන් දැනුම්වත් කිරීමේ විශේෂ වැඩපිළිවෙළක් ක්‍රියාත්මක කිරීමට කටයුතු කරන බව පරිසර හා සොබාදහම් මධ්‍යස්ථානය පවසයි.
එහි ආරම්භක පියවර ලෙස ඉතාලිය, ජර්මනිය, ස්පාඤ්ඤය හා එංගලන්තය යන රටවලදී සම්ම්න්ත්‍රණ මාලාවක් පැවැත්වීමට නියමිත බව එම සංවිධානයේ කැඳවුම්කරු පරිසරවේදී රවීන්ද්‍ර කාරියවසම් මහතා සඳහන් කළේය.
මෙම මස 31 වැනිදා සිට අ‍ප්‍රේල් 02 දක්වා ස්පාඥයේ වැලන්සියාහි පොලිතෙක්නික් විශ්ව විද්‍යාලයට අනුබද්ධ ඉඩම් හා ස්වභාවික සම්පත් සම්බන්ධ ලෝක සමුළුවේදී මෙහි පළමු දේශනය පැවැත්වීමට නියමිත අතර ලංකාවේ ඉඩම් ,ස්භාවික සම්පත් මංකොල්ලය හා සමස්ථ ජෛව විවිධත්ව විනාශය පිළිබඳ විශේෂ වාර්තාවක් එහිදී බාරදීමට ද නියමිතය.
