නව ආණ්ඩුක්‍රම ව්‍යවස්ථාවක් සකස්කිරීමේ ව්‍යවස්ථා මණ්ඩලය අද පළමු වරට පාර්ලිමේන්තුවේදී රැස්වීමට නියමිතය.
නව ආණ්ඩුක්‍රම ව්‍යවස්ථා කෙටුම්පතක් සම්පාදනය සඳහා පත් කැරුණු ආණ්ඩුක්‍රම ව්‍යවස්ථා මණ්ඩලය අගමැති රනිල් වික්‍රමසිංහ මහතා කළ යෝජනාවක් අනුව පසුගිය මාර්තු 9 වැනිදා පාර්ලිමේන්තුවේදී සම්මත විය.
විධායක ජනපති ක්‍රමය අහෝසි කිරීම, නව මැතිවරණ ක්‍රමයක් සකස් කිරීම ඇතුළු නව යෝජනා රැසක් ව්‍යවස්ථා මණ්ඩලය මගින් ක්‍රියාත්මක කිරීමට යෝජිතය.
ඒ අනුව එම මණ්ඩලය අද පස්වරු 2ට පාර්ලිමේන්තු සංකීර්ණයේදී මුල්වරට රැස්වේ.
