බම්බලපිටියේ ව්‍යාපාරික සුලෙයිමාන් ඝාතකයන් ඔහු පැහැර ගැනීමට කුඩා මෝටර් රියකින් හා වෑන් රියකින් එන්නට ඇතැයි පොලිසියට තොරතුරු ලැබී ඇත. පොලිසිය දැනටම පෞද්ගලික සීසීටීවී කැමරා 10ක තොරතුරු ලබාගෙන ඇත.
ඊට අමතරව පොලිසිය නගරයේ ප්‍රධාන තැන්වල සවිකළ සීසීටීවී කැමරා පරීක්ෂා කිරීමට යයි. මේ අනුව කොල්ලුපිටිය, තුන්මුල්ල හන්දිය, බෞද්ධාලෝක මාවත, බොරැල්ල, ඔරුගොඩවත්ත, කැලණිය දක්වා සියලුම පොලිස් සීසීටීවී බැලීමට නියමිතය.
පරීක්ෂණ සඳහා දැනට මාවනැල්ලේ සිටින පොලිස් කණ්ඩායම් දෙකට අමතරව තවත් කණ්ඩායමක් කොළඹින් පිටත්ව ගියේය.
