දඹුල්ල පොලිස් බලප්‍රදේශයට අයත් තලකිරියාගම නික්ගොල්ලයාය ප්‍රදේශයේ ඉපැරණි වැවක විශාල බැම්මක් මේ දිනවල බොරළු ලබාගැනීම සදහා ප්‍රබල ව්‍යාපාරිකයකු විසින් යන්ත්‍ර සුත්‍ර යොදා කපන බව ගම්මු කියති .
ජනාධිපති ලේකම් කාර්යාලයේ ඉහළ නිලධාරියකුගේ නැදා කමක් ගැන ගම්මුන් ට පවසා මාස ගණනාවක සිට බොරළු කපා ටිපර් රථ වලින් රජයේ වැඩබිම් වල ට විකිණීම සිදු කරන බව ජනතාව කියති .
තම ගමේ පොදු සම්පත විනාශ වීමට විරෝධය පා ගම්මු 06 දින එලියට පැමිණ මේ විනාශය පිළිබධව මාධ්‍ය ට දැනුම් දුන්හ. මාධ්‍යවේදීන් ස්ථානයට යද්දී එම වියාපාරික මහතා කිවේ තමන් නිත්‍යානුකුලව මෙය කරන නිසා වීඩියෝ නොකරන ලෙසය .
ගැමියන් සමග මේ ස්ථානයට අප යනවිට 06 දින රජයේ නිවාඩු දිනයේද බොරළු කපා පටවන අකාරය දැකගැනීමට හැකිවිණි .
එහිදී දඹුල්ල පොලිසියේ පරිසර අංශයේ නිලධාරින් පැමිණ අවශ්‍ය ලිපි ලේකන පරික්ෂා කර බැලීමේදී ඉඩම් මායිම් පිළිබඳව ගැටළු ඇතිවිය .ගම්මුන් ව්‍යාපාරිකයාට විරෝධය පලකල අතර තම ගමේ පොදු සම්පත ට බලපත් සැකසු රජයේ නිලධාරීන්ට විරුද්දව ඉදිරියේදී පාරට බහින බව ගම්මු කියති .පොලිසිය තාවකාලිකව බොරළු කැපීම නවතාදමන ලදී .
