වැඩි කළ ජාතිය ගොඩනැඟීමේ බද්ද හා වැට් බද්ද බල ශුන්‍ය කරන නියෝගයක් නිකුත් කරන්නැයි ඉල්ලා ජාතික නිදහස් පෙරමුණේ නායක හා පාර්ලිමේන්තු මන්ත්‍රී විමල් වීරවංශ මහතා අද (11) ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කරන ලදී.
නීතීඥ මහේෂිකා අබේසූරිය මහත්මිය මාර්ගයෙන් ගොනු කළ මෙම පෙත්සමේ වගඋත්තරකරු ලෙස මුදල් අමාත්‍යාංශ අමාත්‍ය රවි කරුණානායක, අමාත්‍යාංශ ලේකම් ආර්.එච්.එස්.සමරතුංග , දේශිය ආදායම් කොමසාරිස් ජනරාල්වරිය සහ නීතිපති නම් කරනු ලැබ සිටිති.
භාණ්ඩ හා සේවා රැසකට බලපාන පරදි මැයි 01 වැනි දා සිටි ක්‍රියාත්මක කළ මෙම බදු පැනවීම ඉතාම අසාධාරණ බැවින් එම බදු වැඩි කීරීම නවත්වන අතුරු නියෝගයක් නිකුත් කරන්නැයි පෙත්සමින් ඉල්ලා ඇත.
ජායාරූප හා වීඩියෝ ළහිරු හර්ෂණ
