විගණන පනත සංශෝධනය නොකර ඒ ආකාරයෙන්ම ඉදිරිපත් කරන්නැයි කියමින් කොළඹ කොටුව දුම්රියපොළ ඉදිරිපිට දී අද (13) උද්ඝෝෂණයක් පැවැත්විණි.
ශ්‍රී ලංකා විගණන පරීක්ෂණ සංගමය එය සංවිධානය කර තිබූ අතර එහි සභාපති එච්.එම්.හේරත් මහතා පැවසූයේ රටේ වංචාව, නාස්තිය, දූෂණය අවම කිරීමට වර්තමාන රජයේ දින සියයේ වැඩපිළිවෙළේ පොරොන්දු වුවත් ජාතික විගණන පනත පාර්ලිමේන්තුවට ගෙන ඒමට අපොහොසත් වී තිබෙන බවයි. එය කඩිනමින් පාර්ලිමේන්තුවට ඉදිරිපත් කර සම්මත නොකළහොත් වෘත්තීය සමිති සියල්ල එකතු කරගෙන දැවැන්ත උද්ඝෝෂණයක් ඉදිරියේදී කිරීමට බලාපොරොත්තු වන බවද ඔහු කීවේය.
