අරනායක සාමසර කන්ද පසුගිය අඟහරුවදා (17) සවස නාය යෑමෙන් පසු එම ස්ථානය බැලීමට සෑහෙන පිරිසක් ආහ. හෝටන් තැන්න බැලීමට යන ආකාරයට නඩ පිටින් ඉතා දුර බැහැර පැතිවල සිට මහා ජන ගඟක් ආහ.
කඳු පාමුල මඩවලට අඩක් යට වුණු ත්‍රීරෝද රියක් විය. සිකුරාදා (20) වන තුරු එම ත්‍රීරෝද රිය අසලට යෑමට නොහැකි වූයේ දණකටත් වඩා මඩේ එරෙන බැවිණි.
සෙනසුරාදා (21) වන විට මඩ යන්තම් වියලී තිබුණු අතර කන්ද නාය යෑම බැලීමට ආ පිරිස් එම ඉසව්වට ගොස් ඡායාරූප ගන්නා අයුරු දක්නට ලැබිණි.
ඇතැමුන් මඩේ එරී තිබූ ත්‍රීරෝද රිය උඩට නැග සෙල්ෆි ඡායාරූප ගත්හ.
ඒ ගැන ෆේස්බුක්හි මෙසේ කවියක් පළ කර තිබිණි.
පපුතුරේ රඳවාන ගමම අමු සොහොනක්ව
සාමසර කන්ද වුව සුසුම්ලයි හද තෙත්ව
කාගෙ වුව රෝද තුන ඇතැමෙකුට මිහිරක්ය
සුසානය මත හිඳින පණ ගැහෙන මිනියක්ය...
(බිඟුන් මේනක ගමගේ)
