යුද්ධයෙන් දිවි පිදූ රණවිරුවන් උදෙසා පිරිනැමෙන ඉහළම සම්මානය වන පරම වීර විභූෂණ සම්මානයෙන් පිදුම් ලැබූ රණවිරුවන් 29 දෙනාගේ ජීවිත තොරතුරු හා දශක තුනක් පැවතුනු යුද්ධයේ තොරතුරු ඇතුලත් ප්‍රසාද් පොල්වත්ත විසින් රචිත “අමරණීය සොල්දාදුවන් විසිනවය” ග්‍රන්ථය දොරට වැඩුම අද (05) කොළඹ හුණුපිටිය ගංගාරාම විහාරස්ථානයේ දී සිදුකැරිණි.
එම අවස්ථාවට හණුපිටිය ගංගාරාම විහාරාධිපති ගලබොඩ ඤාණීස්සර නාහිමි, කිරින්දේ අස්සජී හිමි,ආරක්ෂක රාජ්‍ය අමාත්‍ය රුවන් විජයවර්ධන මහතා, ආරක්ෂක ලේකම් කරුණාසේන හෙට්ටිආරච්චි මහතා සහ ත්‍රිවිද හමුදා උසස් නිළධාරීහු පිරිසක් ද සොල්දාදුවන්ගේ පවුලේ නෑදෑයෝ ද සහභාගී වූහ.
