ශ්‍රී ලංකා නිදහස් පක්ෂයේ උප සභාපති සහ පාර්ලිමේන්තු මන්ත්‍රී කුමාර වෙල්ගම මහතා ප්‍රවාහන ඇමැතිවරයාව සිටියදී ගමනා ගමන මණ්ඩල පනත උල්ලංඝනය කරමින් ඥාතියකු උප සභාපතිවරයා ලෙස පත් කළැයි කියන පත්වීම් ලිපියක් අල්ලස් කොමිසම අද කොළඹ ප්‍රධාන මහේස්ත්‍රාත් ගිහාන් පිලපිටිය මහතාට ඉදිරිපත් කළේය.
පනතේ නැති තනතුරක් නිර්මාණය කරමින් රුපියල් ලක්ෂ 30ක් රජයට අලාභ කළැයි වෙල්ගම මහතාට එරෙහිව මෙම නඩුව පවරා තිබේ.
වෙල්ගම මහතා අද අධිකරණයේ පෙනී සිටියේය.
වැඩිදුර විභාගය ජුනි 20 වැනිදාට කල් තැබිණි.
