මාලඹේ පෞද්ගලික වෛද්‍ය විද්‍යාලයේ උපාධිධාරීන්ට වෛද්‍ය සභාවේ ලියාපදිංචිය ලබාදීමට සෞඛ්‍ය අමාත්‍යාංශය සහ උසස් අධ්‍යාපන අමාත්‍යාංශය දරන උත්සාහය වහා නතර කරන ලෙසත් රජයට බල කරමින් හා තවත් ඉල්ලීම් පහක් මුල්කරගනිමින් රජයේ වෛද්‍යවරු අද (4) ඇරැඹි සංකේත වැඩ වර්ජනය හේතුවෙන් රෝගීහු දැඩි අපහසුතාවයට ලක්වූ බව රෝහල් ආරංචි කියයි.
අද (04) පෙරවරු 08.00 සිට දහවල් 12 දක්වා වැඩවර්ජනය සිදු කිරීමට නියමිතය.
සමස්ත ලංකා වෛද්‍ය නිලධාරීන්ගේ සංගමය, සමස්ත ලංකා පවුල් සෞඛ්‍ය සේවා නිලධාරීන්ගේ සංගමය, සමස්ත ලංකා හෙද සංගමය, සුවසේවා සංගමය, වාට්ටු ලිපිකාර සංගමය සහ සමස්ත ලංකා දුරකතන ක්‍රියාකරුවන්ගේ සංගමය ද වර්ජනයට එක්ව සිටිති.
වෛද්‍ය වැඩ වර්ජනයට සහාද දක්වමින් උතුරු මැද දේශීය වෛද්‍යවරු 94 දෙනෙක් ද ඊට එක්වී සිටිති.
මේ අනුව බටහිර හා අයුර්වේද රෝහල් වැඩ අඩාල වී ඇත.
මඩකලපුව රෝහලේ ද වෛද්‍යවරු වැඩ වරති.
ඡායාරූප - රොමේෂ් මධුෂංක
ඡායාරූප - ප්‍රසාද් රුක්මල්
ඡායාරූප හා වීඩියෝ - බිමල් ශ්‍යාමන් ජයසිංහ
