ඊද් අල් ෆීතර් උත්සවය නිමිත්තෙන් කටාර් හි ජීවත් වන විවිධ ප්‍රජාවන්ගේ සහයෝගීත්වයෙන් සංස්කෘතික සහ සංගීත වැඩසටහන් පෙළක් පැවැත්වීමට අභ්‍යන්තර අමාත්‍යාංශය කටයුතු යොදා තිබේ.
ඒ අනුව ශ්‍රී ලාංකික ප්‍රජාවගේ සහභාගිත්වයෙන් පැවැත්වෙන සංස්කෘතික සංදර්ශනය ඊද් පළමු දින දෙක තුළ පස්වරු 5 සිට රාත්‍රී 11 දක්වා කර්මාන්ත පුරවරයේ ආසියානු නගරයේ පිහිටි ක්‍රීඩාංගණයේදී සංස්කෘතික වේදිකා නාට්‍යය, සංගීත ප්‍රසංග සහ නර්ථන අංගයන් පැවැත්වේ.
ශ්‍රී ලාංකික ප්‍රජාවගේ සහභාගිත්වයෙන් පැවැත්වෙන සංස්කෘතික ප්‍රසංගය පිළිබඳ වැඩි විස්තර 50409246 යන අංකයෙන් ශ්‍රී ලංකා සම්බන්ධීකරණ කමිටුවේ ප්‍රධාන සම්බන්ධීකාරක රංජිත් ගුරුසිංහ මහතා ඇමැතීමෙන් ලබාගත හැක.
