ශ්‍රී ලංකාවේ ක්‍රීඩා තරගාවලි සඳහා සහභාගි වීමේ අවස්ථාව ලබාගැනීම සඳහා පසුගියදා ශ්‍රී ලංකාව බලා ගිය 10 හැවිරිදි ජව්සීත් ජවුෆර් සිය පුහුණුකරුවන් සෑහීමකට පත්වන අයුරින් සිය දක්ෂතා ප්‍රදර්ශනය කර ඇති බව වාර්තා වෙයි. ජවුෆර් දෝහා නුවර ස්ටැෆර්ඞ් ශ්‍රී ලාංකික පාසලේ සිසුවෙකි.
ඔහු මේ වන විට ආසියානු කණිෂ්ඨ ක්‍රීඩා සංචිතය ඇතුළත් වීම සඳහා පුහුණුවීම් කටයුතුවල යෙදෙයි.
ප්‍රවීන ක්‍රීඩකයකු මෙන්ම ශ්‍රී ලංකා මළල ක්‍රීඩා සංගමයේ සභාපතිවරයාද වන සුගත් තිලකරත්න සහ කොළඹ ගේට්වේ ජාත්‍යන්තර පාසලේ මළල ක්‍රීඩා පුහුණුකරු වශයෙන් කටයුතු කරන සුජිත් මේ වන විට ජවුෆර් ගේ පුහුණුකරුවන් වශයෙන් කටයුතු කරන අතර ජවුෆර් ඉතාමත් හොඳින් සිය දක්ෂතා ප්‍රදර්ශනය කරමින් සිටින බව ඔවුන් පවසති. ජවුෆර් මේ වන විට මීටර් 100 සහ 200 ඉසව්වල පරිසාදන මට්ටමට ඉතාමත් සමීපව සිටින බවද පැවැසේ.
