ශ්‍රී ලංකා නිදහස් පක්ෂයේ ජ්‍යෙෂ්ඨයන් පිරිසක් අහුංගල්ලේ හෝටලයක පැය හතක් පුරා පැවැත්වූ විශේෂ සාකච්ඡාව අද පස්වරු 5.30ට පමණ අවසන් විය.
චන්ද්‍රිකා බණ්ඩාරනායක කුමාරතුංග හිටපු ජනපතිනියගේ ප්‍රධානත්වයෙන් පෙරවරු 10.30ට පමණ ඇරැඹි මෙම සාකච්ඡාවට සන්ධාන මහ ලේකම් ඇමැති මහින්ද අමරවීර, ශ්‍රීලනිප මහ ලේකම් ඇමැති දුමින්ද දිසානායක, උතුරු ආණ්ඩුකාර රෙජිනෝල්ඩ් කුරේ සහ දකුණු මහ ඇමැති ශාන් විජයලාල් සිල්වා, නන්දිමිත්‍ර ඒකනායක, අතාවුද සෙනවිරත්න ඇතුළු පිරිසක් සහභාගී වූහ.
ශ්‍රී ලංකා නිදහස් පක්ෂයේ අභ්‍යන්තර ප්‍රශ්න ගැන එහිදී සාකච්ඡා කළ බව කී ශාන් විජයලාල් මහතා වැඩි විස්තර මාධ්‍යයට ලබා දිය නොහැකි බව ප්‍රකාශ කළේය.
