ශ්‍රී ලංකා නිදහස් පක්ෂයේ මධ්‍යම කාරක සභාවේ විශේෂ රැස්වීමස් අද පස්වරු හතට ජනාධිපතිවරයාගේ නිල නිවසේදී පැවැත්වීමට නියමිතය.
ඒකාබද්ධ විපක්ෂය නියෝජනය කරන ශ්‍රීලනිප මධ්‍යම කාරක සභිකයන්ටද ඒ සඳහා ආරාධනා කර තිබේ.
ඒකාබද්ධ විපක්ෂයේ පෙළපාළියට ගිය පිරිස සම්බන්ධයෙන් ගන්නා ක්‍රියාමාර්ග අද සාකච්ඡා වනු ඇතැයි දේශපාලන ආරංචි මාර්ග කියයි.
එම පෙළපාළිය ශ්‍රීලනිප මූලස්ථානය ඉදිරිපිටින් යද්දි එහි සිටි පිරිස් හූ තෑබුහ. පක්ෂ සභාපති මෛත්‍රීපාල සිරිසේන ජනපතිට අපහාස වන අයුරින් විවිධ සටහන් පාඨ කීහ. මේ සියල්ල අද සාකච්ඡා වනු ඇතැයි එම ආරංචි මාර්ග සදහන් කරයි.
එක්සත් ජාතික පක්ෂ සහ ශ්‍රී ලංකා නිදහස් පක්ෂ හවුල් ආණ්ඩුවේ කාලය දිගු කිරීම සම්බන්ධයෙන් ද අද මධ්‍යම කාරක සභාවේදී සාකච්ඡා කරනු ඇතැයි දැනගන්නට තිබේ.
