මෙවර එක්සත් ජනතා නිදහස් සන්ධාන මැයි රැළියට දේශපාලන පක්ෂ රැසක් එක් වීමට නියමිත බව ජනපති මාධ්‍ය අංශය කියයි.
ඊළාම් මහජන ප්‍රජාතන්ත්‍රවාදී පක්ෂය නියෝජනය කරමින් ඩග්ලස් දෙවානන්ද, ලංකා කම්කරු කොංග්‍රසය නියෝජනය කරමින් ආරුමුගම් තොණ්ඩමන්, ප්‍රජාතන්ත්‍රවාදී ජනතා කොංග්‍රසය නියෝජනය කරමින් ප්‍රභා ගනේෂන් මහත්වරු ඇතුළු දේශපාලන පක්ෂ 10 කට වැඩි සංඛ්‍යවක් නියෝජනය කරමින් එම පක්ෂ නායකයෝ අද පෙරවරුවේ ජනාධිපති කාර්යාලයයේ දී මෛත්‍රීපාල සිරිසේන ජනපති හමුවී සාකච්ඡා කළහ.
ඒ.එල්.එම්. අතාවුල්ලා මහතාගේ නායකත්වයෙන් යුත් මුස්ලිම් ජාතික කොංග්‍රසය නියෝජනය කරමින් ජේ.එම්. වසිර්, ප්‍රජාතන්ත්‍රවාදී එක්සත් ජාතික පෙරමුණ නියෝජනය කරමින් ආරියවංශ දිසානායක, නව සිහල උරුමය නියෝජනය කරමින් සරත් මනමේන්ද්‍ර, කම්කරු පක්ෂය නියෝජනය කරමින් ඒ.එස්.පී. ලියනගේ, ලිබරල් පක්ෂය නියෝජනය කරමින් කමල් නිශ්ශංක, එක්සත් ලංකා පොදුජන පක්ෂය නියෝජනය කරමින් පී.එච්.එස්. අජන්ත ය මහත්වරු ද ඊට එක්වූහ.
නිදහස් මැයි රැළිය සාර්ථක කර ගැනීමට මෙන්ම එක්සත් ජනතා නිදහස් සන්ධානයේ ඉදිරි වැඩපිළිවෙළ සාර්ථක කර ගැනීමට තම උපරිම සහාය පළ කරන බව එම නියෝජිතයන් පැවසීයැයි ජනපති මාධ්‍ය අංශය කියයි.
ශ්‍රී ලංකා නිදහස් පක්ෂයේ මහ ලේකම් දුමින්ද දිසානායක, එක්සත් ජනතා නිදහස් සන්ධානයේ මහ ලේකම් මහින්ද අමරවීර මහත්වරු ද සාකච්ඡාවට එක්වූහ.
