ශ්‍රී ලංකා නිදහස් පක්ෂයේ මාතර රුස්වීමක දී අද (26) උණුසුම් තත්වයක් ඇති විය.
ශ්‍රී.ල.නි.ප. මාතර ආසන සංවිධායක දකුණ පළාත් අධ්‍යාපන ඇමැති චන්දිම රාසපුත්‍ර මහතා සංවිධානය කළ මෙම රුස්වීමේ ප්‍රධාන ආරාධිතයා වූයේ නිදහස් සන්ධානයේ මහලේකම් මහින්ද අමරවීර මහතාය.
රුස්වීම අතරතුර දකුණු පළාත් ගුරු සමතුන්ගේ එකමුතුවේ පිරිසක් රුස්වීම් ශාලාවේ ඉදිරිපිටට පැමිණ උද්ඝෝෂණ ව්‍යාපාරයක නිරත විය. එම අවස්ථාවේ දෙපිරිසම ‘හූ’ කියාගනිමින් උණුසුම් වචන හුවමාරුවක් කරගත්තේය.
පොලිසිය තත්වය සමතයකට පත්කිරීමට උත්සහ කරන ලදී.
ප්‍රධාන දොරටුව උද්ඝෝෂකයන් අවහිර කර ඇති නිසා පළාත් අමාත්‍යවරයා වෙනත් දොරටුවකින් පිටව ගියේය.
