ශී‍්‍ර ලංකා නිදහස් පක්ෂය සඳහා නව ආසන සහ දිස්ති‍්‍රක් සංවිධායකවරු 11 දෙනෙක් අද (28) පෙරවරුවේ ජනාධිපති කාර්යාලයේ දී මෛතී‍්‍රපාල සිරිසේන ජනපති අතින් සිය පත්වීම් ලිපි ලබා ගත්හ.
ගම්පහ දිස්ති‍්‍රක් සංවිධායක ලෙස හිටපු ජනාධිපති ජේ.ආර්. ජයවර්ධන මහතාගේ මුණුපුරෙකු වන ප‍්‍රදීප් ජයවර්ධන මහතා පත් කැරිණි. හිරියාල ආසන සංවිධායක ලෙස වයඹ පළාත් සභා මන්තී‍්‍ර කමල් ඉන්දික, කොළඹ දිස්ති‍්‍රක් සංවිධායකවරුන් ලෙස බස්නාහිර පළාත් සභාවේ හිටපු මන්තී‍්‍ර ගාමිණි ද සිල්වා සහ බුද්ධික ඉද්දමල්ගොඩ ද, කළුතර සංවිධායක ලෙස මනුල චමල් පෙරේරා ද, ගාල්ල දිස්ති‍්‍රක් සංවිධායක ලෙස පියල් දර්ශන ගුරුගේ ද, කෑගල්ල සංවිධායක ලෙස නලීන් පුෂ්පකුමාර, කුරුණෑගල දිස්ති‍්‍රක් සංවිධායක ලෙස තුෂාර තිලකරත්න ද පත් කර තිබෙන අතර බෙන්තර - ඇල්පිටිය සම සංවිධායකවරුන් ලෙස බෙන්තොට ප‍්‍රාදේශීය සභාවේ හිටපු සභාපති ගයාන් කි‍්‍රෂාන් සිරිමාන්න සහ ඇල්පිටිය ප‍්‍රාදේශීය සභාවේ හිටපු සභාපති අමිල හර්ෂණ කාරියවසම් යන මහත්වරුද පත්ව සිටිති.
බෙන්තර - ඇල්පිටිය සංවිධායක ගීතා කුමාරසිංහ මහත්මියට සිය ධූරය අහිමිවී ඇති අතර සාලින්ද දිසානායක මහතාට ද සිය සංවිධායක ධූරය අහිමිවී ඇත.
