බොලිවුඩයේ "කිං ඛාන්" හෙවත් ෂාරුක් ඛාන්ගේ දරුවන් වූ සුහානා හා අභිරාම් දෙදෙනා ඩුබායි මුහුදු වෙරළේදී දිය නෑමට ගොස් සිටින ඡායාරූපයක් පසුගියදා අන්තර්ජාලය තුළ දකින්නට ලැබී ඇත. දැනට පවතින උනුසුම කාලගුණය හේතුවෙන් ලොවපුරා වෙසෙන සුපිරි ධනවතුන් ඩුබායි මුහුදු වෙරළට පැමිණ විනෝද වන්නට උත්සාහ කරමින් සිටින අතර, ෂාරුක් පවුලද දැනට පවතින උනුසුමින් මිඳෙන්නට මෙසේ ඩුබායි වෙරළට පැමිණ විනෝදවන්නට කටයුතු කර ඇති බවට තොරතුරු ලැබි ඇත. එහෙත්, මෙම විනෝද ගමනට ෂාරුක් සහභාගී නොවූණ අතර, ඔහු ඒ වනවිටත් මුම්බායි නගරයේ සිය අලුත්ම චිත්‍රපටය වූ "රායිස්" හි අවසන් රූපගත කිරීම් කටයුතු වලට සම්බන්ධ වී සිටි බවට තොරතුරු වාර්තා වේ. කෙසේ වෙතත්, වාර්තා වන අන්දමට ගෞරි ඇතුළු ෂාරුක් පවුලේ පිරිස මෙම විනෝද ගමන අප්‍රසිද්ධියේ සිදු කළ එකක් බවය. නමුත්, ෂාරුක්ගේ දරුවන් වූ සුහානා හා අභිරාම් මුහුදු වෙරළේ විනෝද වෙන අයුරු හොර රහසේ ගත් ඡායාරූපයක් පසුගියදා "කෝයිමෝයි" වෙබ් අඩවිය තුළ පළවීමත් හරහා මෙම ගමනේ තොරතුරු අන්තර්ජාලයට ෂාරුක් පවුලට මුදාහරින්නට සිදුවු බව සඳහන් වේ.
බුද්ධික සේනාධීර
