සජින් වාස් ගුණවර්ධන ජූලි 5 වැනිදා තෙක් රිමාන්ඩ් කරන ලෙස කොළඹ ප්‍රධාන මහේස්ත්‍රාත් ගිහාන් පිලපිටිය මහතා අද (27) නියෝග කළේය.
සජින් වාස්ගේ කොස්මෝස් සමාගමට රුපියල් මිලියන 144ක් යෙදවූ ආකාරයත් රිච්මන්ඩ් සෙල්වම් නම් පුද්ගලයකුට තර්ජනය කළැයි කියන සිද්ධියක් ගැනත් රහස් පොලිසිය අධිකරණයට දැන්වීය. තර්ජනයට ලක්වූ බව කියන එම පුද්ගලයාද අධිකරණයට කැඳවන්නැයි මහේස්ත්‍රාත් පොලිසිය නියෝග කළේය.
සජින් වාස් සීඅයිඩී අත්අඩංගුවට 13:36
මහින්ද රාජපක්ෂ රජය සමයේ හිටපු මන්ත්‍රී සජින් ද වාස් ගුණවර්ධන මුදල් විශුද්ධිකරණ පනත යටතේ අත්අඩංගුවට ගෙන කොළඹ ප්‍රධාන මහේස්ත්‍රාත් අධිකරණයට පමුණුවනු ලැබ සිටී.
ගුවන් යානා මිලට ගැනීම් ජනාධිපති කාර්යාල වාහන අවභාවිතය ආදී කරුණු රැසක් සම්බන්ධයෙන් ඔහු අධිකරණයට ඉදිරිපත් කිරීමට නියමිත බවද පොලිසිය පවසයි.
