ලංකා සම සමාජ පක්ෂයේ ‘සමසමාජය‘ පුවත්පතේ 80 වැනි සැමරුම අද පැවැත්විණි.
පක්ෂයේ නායක හිටපු ඇමැති තිස්ස විතාරණ මහතා එම උත්සවය අමතමින් කීවේ තම පක්ෂයේ අතීතරයේ විශාල මෙහෙයක් කළ බවයි.
‘‘අපි සටන් කරලා ඒ දරුණු යුගයේ සමසමාජ මත සමාජවාදී මත රට තුළ ප්‍රචලිත කළා. ඒ අදහස් තමයි අප රටේ ප්‍රගතිශීලි ගමන ඉදිරියට ගෙන යාමට පදනම ඇති කළේ. "සමසමාජය" පුවත් පත ඒ ඇති කළ අදහස් මඟින් බිහි වූ පිරිස් තමයි වමේ ගමන ඉදිරියට ගියේ.
1956 මැද දේශපාලනය වමේ දේශපාලනය එක්ව ආණ්ඩු පිහිටුවා. එතනින් එහා අප රටේ වෙනස් වීම් ඇති කරගෙන නිරන්තර සටනකට අපට එන්න සිද්ධ වුණා.මම හිතන්නේ මේක කිව්වට වරදක් නෑ. ගිය ආණ්ඩුවේ එක්සත් ජනතා නිදහස් සන්ධානයේ වුවත් අපිට වම හැටියට ඒ ආපු ධාරවේ අදහස් ගිය ආණ්ඩුවේ ක්‍රියත්මක කරන්න අපට සටනකට යෙදෙන්න සිද්ධ වුණා.‘‘
