විපක්ෂනායක ආර්. සම්පන්දන් මහතා කිලිනොච්චියේ හමුදාව කඳවුරට බලහත්කාරයෙන් ඇතුළු වූ බවට පළවන වාර්තාවන්හි කිසිම සත්‍යතාවයක් නැතැයි දෙමළ ජාතික සන්ධාන පාර්ලිමේන්තු මන්ත‍්‍රී එම්.ඒ සුමන්තිරන් මහතා අද (27) විපක්ෂනායක කාර්යාලයයේ පැවැති මාධ්‍ය හමුවක දී පැවසීය.
දැනට හමුදාව අත්පත් කරගෙන සිටින සිවිල් ජනතාවට අයත් භූමියක් පිළිබඳ සොයාබැලීමට මිස හමුදා කඳවුරකට අයත් භූමියකට නොවන බව කී මන්ත‍්‍රීවරයා එයට ද ඇතුළු වී ඇත්තේ බලහත්කාරයෙන් නොව එහි මාර්ග බාධකයේ සිටි හමුදා සාමාජිකයින් මාර්ගය විවෘත කරදීමෙන් පසුව බව ද සඳහන් කළේය.
