ශිෂ්‍ය මර්දනය නවතන ලෙසත් සිරගත කළ සිසුන් නිදහස් කරන ලෙසත් ඉල්ලමින් කැලණිය විශ්ව විද්‍යාලයීය මහා ශිෂ්‍ය සංගමය අද (8) කොළඹ නුවර ප්‍රධාන මාර්ගය අසල විරෝධතාවයක් ආරම්භ කළේය.
සිසුන් 200කට වැඩි පිරිසක් සිදුකරන උද්ඝෝෂණය හේතුවෙන් මාර්ගයේ ගමනාගමන කටයුතුවලටද බාධා සිදුව ඇත.
පළමු වසර සිසුවියන්ට දිග කලිසම් ඇඳීම තහනම් කරමින් හා පරුෂ වචනයෙන් බැන වැදීම යන නවක වධ සිද්ධියක් මුල්කරගෙන කිරිබත්ගොඩ පොලිසියට ලද පැමිණිල්ලක් අනුව බ්‍රහස්පතින්දා (5) දෙවැනි වසරේ සිසුන් 5 දෙනෙක් පොලිස් අත්අඩංගුවට පත්වූහ.
නවක වද සිද්ධිය සම්බන්ධයෙන් ලැබුණු පැමිණිලි අනුව තවත් සිසුන් දෙදෙනෙක් අද පෙරවරුවේ අත්අඩංගුවට ගත් බව පොලිසිය කියයි.
මේ අතර එම සිසුන් අත්අඩංගුවට ගැනීමට විරෝධය පළ කරමින් සබරගමුව, පේරාදෙණිය, රජරට විශ්ව විද්‍යාලවල සිසුහුද අද උද්ඝෝෂණවල නිරත වූහ.
(කැලණිය විශ්ව විද්‍යාලය)
ඡායාරූප - ලාල් එස් කුමාර
(පේරාදෙණිය විශෟව විද්‍යාලය)
ඡායාරූප - සෙනරත් බණ්ඩාර
(රජරට විශ්ව විද්‍යාලය)
ඡායාරූප - උපුල් තම්මිට
වීඩියෝ - ලාල් එස් කුමාර
