ඉල්ලීම් හතක් මුල්කරගෙන සරසවි අනධ්‍යයන සේවකයින් සිදුකරන වැඩ වර්ජනයට දින දහයක් ගෙවී ඇති බවත් ඔවුන්ගේ ඉල්ලීම් සදහා විශ්වවිද්‍යාල ප්‍රතිපාදන කොමිෂන් සභාව සමග සාකච්ඡා කර නිසි විසදුමක් නොලැබුණු බව කියමින් අද(5) එම සේවකයෝ පේරාදෙණිය සරසවියේ සනාතන මන්දිරයට ඉදිරිපිට සිට විරෝධතා පා ගමිනින් ඉංජිනේරු පිඨය හරහා ගම්පොළ පාර ඔස්සේ පේරාදෙණිය නගරය මැදින් ගලහ පැමිණ උද්ඝෝෂණයක යෙදුණහ.
මේ අතර සියලු විශ්ව විද්‍යාල සේවකයන්ට 5 වැනිදා සිට සේවයට වාර්තා කරන්නැයි උසස් අධ්‍යාපන අමාත්‍යංශය නිවේදනයක් නිකුත් කැර ඇති අතර ඉල්ලීම් ලබාදෙන තුරු කිසිදු සේවකයෙක් සේවයට වාර්තා නොකරන බව විශ්වවිද්‍යාල වෘත්තීය සමිති ඒකාබද්ධ බලමණ්ඩලයේ සභාපති එඩ්වඩ් මල්වත්ත මහතා පවසයි.
සබරගමුව විශ්ව විද්‍යාලයේ සේවකයෝද අද විරෝධතාවයකට එක්වූහ.
මේ අතර විශ්ව විද්‍යාල ප්‍රතිපාදන කොමිසම ඉදිරිපිට ද අද අනධ්‍යයන සේවකයෝ විරෝධතාවයක යෙදුණහ.
ඡායාරූප - සෙනරත් බණ්ඩාර
ඡායාරූප හා වීඩියෝ - ශාන්ත රත්නායක
