සාලාව සිදුවීම නිසා ප්‍රදේශයේ ජීවත්වන අහිංසක මහජනතාවට විශාල දේපළ හානියක් සිදුවූ බවත් වටිනා ජීවිතයක් අහිමි වූ බවත් ඒ සම්බන්ධයෙන් යුද හමුදාපති ලෙස තම බලවත් ශෝකය ප්‍රකාශ කර සිටින බව යුද හමුදාපති ලුතිනන් ජනරාල් ඒ.ඩබ්ලිව්.ජේ.සී ද සිල්වා මහතා අද (10) සාලාව කඳවුරේදී පැවැති මාධ්‍ය හමුවකදී පැවසීය.
දේපලවලට සිදුවූ හානිය සම්බන්ධයෙන්ද තමා කනගාටුවන බව පැවසූ හමුදාපතිවරයා මෙතරම් විශාල විනාශයක් සිදුව තිබියදී සාලාව ජනතාව ඉතා ඉවසීමෙන් කටයුතු කරන බවත් ඒ සම්බන්ධයෙන් තම ස්තූතිය ප්‍රකාශ කරන බවත් කීවේය.
දේපළ වලට සිදුවූ හානිය හැකි ඉක්මනින් යථා තත්ත්වයට පත්කිරීමට රජයේ ක්‍රියාවලිය සහ යුද හමුදාවේද උපරිම සහාය දෙන බවට පොරොන්දු වන බවද හමුදාපතිවරයා පැවසීය.
ඡායාරූප හා වීඩියෝ - ගයාන් අමරසේකර
