සැලසිනේ රූපවාහිනී ආයතනයට අයත් බැංකු ගිණුමේ මුදල් එම ආයතනයේම සුබසාධක සංගමයේ ගිණුමට බැර කරමින් එයින් රුපියල් කෝටියකට අධික වටිනාකමකින් යුතු මුදලක් ලබාගෙන වංචා කළැයි කියන සිද්ධියකට අදාළව එහි හිටපු සභාපති ප‍්‍රදිප් උදයකුමාර එදිරිසිංහට ලබන අගෝස්තු මස 29 වැනිදා අධිකරණයේ පෙනී සිටින ලෙස කොළඹ ප‍්‍රධාන මහේස්ත‍්‍රාත් ගිහාන් පිලපිටිය මහතා අද (25) නොතීසි නිකුත් කළේය.
දැනට එක්සත් රාජධානියේ මිඩ්ල්සෙක්ස් ප‍්‍රාන්තයේ පදිංචිව සිටින සැලසිනේ හිටපු සභාපතිවරයාට අධිකරණ අමාත්‍යාංශය හරහා විදේශ කටයුතු අමාත්‍යාංශය මගින් එංගලන්තයේ මහකොමසාරිස්වරයා වෙතින් ලැබෙන පරිදි නොතීසිය නිකුත් කැරිණි.
