කොළඹ කුරුඳුවත්තේ සම්බෝධි මහා විහාරය සංවිධානය කරන මහ බෝ සෑ අටමස්ථාන වන්දනාව අනුරාධපුර අටමස්ථාන කේන්ද්‍ර කර ගනිමින් සිකුරාදා (01) සිට ඉරිදා (03) දක්වා පැවැත් වීමට යයි.
දුටුගැමුණු මහ රජතුමන් ප්‍රධාන හෙළ රජ දරුවන්ටත්, බුදු සසුන සිංහල ජාතිය රැකදුන් අනගාරික ධර්මපාලතුමාටත්, රට වෙනුවෙන් දිවිදුන් අභීත රණවිරුන්ටත්, අපවත් වී වදාල උඩුගම ශ්‍රී බුද්ධරක්ඛිත අස්ගිරි මහා නාහිමියන්ටත්, පින්කමට සහභාගී වන සැදැහැවතුන්ටත් පින් දීම අරමුණ බව සම්බෝධි විහාරාධිපති දරණාගම කුසලධම්ම හඑිමියෝ කියති.
මෙහිදි අටපිරිකර දොළොස් දහසක් , අසූහාර දහසක පිත්තල පහන් සුවඳ තෙල් යොදා පූජා කිරීම, ශ්‍රී මහා බෝ සමිඳුන්ට රුපියල් කෝටියක් අගනා රන් පළදනාවක් , රිදී පළදනාවක් පැළඳවීම, රිදී ජත්‍රයක්, රිදී කෙන්ඩියක් පුජා කිරීම, ව්‍යාංජන අට දහස් හැටක් මහා බුද්ධ පූජාවක් , කෝටියක් මල් පුජාව , ගුවන් යානා මගින් මල් ඉසීම, දහස් නමකට සංඝගත දක්ෂාණාවක්ද, දිළිඳු පවුල් දෙදහසකට වියළි ආහාර පිරීනැමීම හා අඩු ආදායම් පාසල් සිසුන් දහසකට ඇදුම් පැලදුම් පාසල් උපකරණ පාවහන් බෙදා දීමටද නියමිතය.
ලක්ෂ සංඛ්‍යාත බැතිමතුන් මේ පිංකමට සහභාගී වෙතියි අපේක්ෂා කෙරේ. දැනටම අනුරාධපුර පූජා නගරය බෞද්ධ කොඩි, ධජ පතාක හා ෂඩ් විදුලි බුබුළුවලින් අලංකා කර ඇත.
