ගෝල්ඩන් කී ආයතනය හරහා මූල්‍ය වංචාවක් කළැයි සැකපිට රිමාන්ඩ් භාරයේ සිටි සිසිලියා කොතලාවලට ඇප නියම කිරීමට කොළඹ මහාධිකරණ විනිසුරු මනිලාල් වෛද්‍යතිලක මහතා අද (31) නියෝග කළේය.

රුපියල් ලක්ෂ 10 බැගින් වූ ශරීර ඇප දෙකක් මත ඇය නිදහස් කැරුණු අතර ඒ සඳහා රජයේ විධායක නිලධාරියකු හා ළඟම ඥාතියෙක් ඇප තැබීමට නියම කැර තිබිණි.

මීට පෙර ඇය ඇප ලබාගැනීමට පැමිණි අවස්ථාවේ අදාළ ඇප කොන්දේසි සපුරා නොමැතිවීම හේතුවෙන් ඇප ප්‍රතික්ෂේප විය.

නඩු විභාගය අප්‍රේල් 27 වැනිදාට කල් තැබිණි.