ඔලිම්පික් ධාවන ශූරී සුසන්තිකා ජයසිංහට ජාත්‍යන්තර තරග සඳහා ක්‍රීඩක ක්‍රීඩිකාවන් තෝරාගැනීම හා පුහුණු කිරීම පිළිබඳ උපදේශක තනතුරක් ලබාදීමට ක්‍රීඩා අමාත්‍ය දයාසිරි ජයසේකර මහතා කටයුතු කර ඇත.
2000 වසරේ ඕස්ට්‍රේලියාවේ සිඩ්නි නුවර පැවැති ඔලිම්පික් තරගාවලියේ දී මීටර් 200 කාන්තා ධාවන ඉසව්වෙන් ලෝකඩ පදක්කම දිනාගත් සුසන්තිකාට පසුව එහි රිදී පදක්කම හිමි විය. ඒ රන් පදක්කම දිනාගත් මේරියන් ජෝන්ස් තහනම් උත්තේජක ලබාගැනීමේ චෝදනාවට වැරදිකරු වීම හේතුවෙනි.
මහින්ද රාජපක්ෂ රජය සමයේ ඇය කෑගල්ලෙන් මහ මැතිවරණයට ද ඉදිරිපත් වූ නමුත් පාර්ලිමේන්තුවේ අසුනක් දිනා ගැනීමට අසමත් වූවාය.
